بيظهروا في حياتنا عشان يمنعونا نستمتع بيها مع حد غيرهم .
في كل تجربة ينقصنا إحساسنا معاهم , منعرفش نستحضره تاني و لا نوصل حتى لإحساس
مختلف يشابهه في القوة و في العمق.
مع كل شخص نقابله نفتقد فيه خصالهم اللي حبناها فيهم .
مفيش حد قادر يملا مكانهم و لا يغطى على الحنين ليهم , مفيش حد قادر يعوضنا
عن وجودهم في حياتنا و لا يخلينا ننساهم .
مستر x أو my x بقى الحلم اللي بشوفه و أنا نايمة و وأنا صايحة ,
بتونس بذكرياته , بحب أي حد ليه نبرة صوته , بيقضي ع الملل خياله ,
معايا في كل لحظة مبيغيبش عن
تفكيري ثانية رغم إنه اختفى عن عيوني من سنين .
مبحسش بالوحدة أبداً , بفكر فيه و بتخيله معايا و جنبي , بسمع كلامه و
نصايحه و توجيهاته .
فعلاً يبدو إنه اتزرع جوايا و بقى جزء مني .
فعلاً مالوش نهاية ...
